Vandaag is de feestdag van de zalige Jan van Ruusbroec, grootmeester van de Nederlandse mystiek:

Scouwen is een weten wiseloes,
Dat boven redene blijft altoes;
Het en mach in redene niet dalen,
En redene en maecht boven haer niet verhalen.
Verclaerde onwise is een spieghel fijn,
Daer God in licht sinen ewighen scijn.

Onwise die is sonder manieren,
Daer alle redelike werke inne falieren.
Onwise en is God niet,
Maer si is dat licht daer mentmede siet.
Die in onwisen wandelen in godliken lichte,
Si sien in hem een onghestichte.

Onwise is boven redene, niet daer sonder:
Si siet alle dinc sonder wonder.
Verwonderen is daer beneden:
Sonder verwonderen is scouwende leven.
Onwise siet, mer si en weet wat;
Het is boven al, noch dit, noch dat.

Nu moetic rimen laten bliven,
Sal ic scouwen claer bescriven.